სახალხო დამცველის აპარატი საკუთარ ვებ-გვერდზე 14 მარტს ზუგდიდის ბაზრის შესასვლელთან გამართულ საპროტესტო აქციასთან დაკავშირებით, მონიტორინგის შედეგებს აქვეყნებს, სადაც ადგილზე მისული იყო სახალხო დამცველის აპარატის რეგიონული დეპარტამენტის სამეგრელო ზემო–სვანეთის სამმართველოს უფროსი ლევან პაპავა. როგორც მონიტორინგის შედეგებიდან ირკვევა, „სახალხო დამცველის წარმომადგენლის დაკვირვებისას, პოლიციელთა მხრიდან მოსახლეობაზე ძალადობა, არასათანადო მოპყრობა და უფლებამოსილების გადამეტება არ დაფიქსირებულა.“
„2016 წლის 14 მარტს, ღამის 10 საათზე სახალხო დამცველის აპარატმა მიიღო ინფორმაცია, რომ სამართალდამცავი ორგანოს თანამშრომლების მხრიდან ზუგდიდის ბაზრის მოვაჭრეებზე ხორციელდებოდა ძალადობა. ვითარების შესწავლის მიზნით, სახალხო დამცველის აპარატის რეგიონული დეპარტამენტის სამეგრელო ზემო–სვანეთის სამმართველოს უფროსი გავიდა შემთხვევის ადგილზე და მოისმინა ზუგდიდის ბაზარში მომუშავე პირთა განმარტებები.
შპს „ზუგდიდის სუპერმატკეტის“ მიმდებარედ არსებული მიწის ნაკვეთი, რომელზეც განლაგებულია მსუბუქი კონსტრუქციები, ზუგდიდის მუნიციპალიტეტის მერიის გადაწყვეტილებით სარგებლობაში გადაეცა შპს „ლონდასტეს“.
შპს „ზუგდიდის სუპერმარკეტს“ ბაზრის შიდა ტერიტორიაზე ასრებული მსუბუქი კონსტრუქციის დემონტაჟის მიზნით ზუგდიდის მუნიციპალიტეტის მერიამ განუსაზღვრა სამდღიანი ვადა. რამაც გამოიწვია ბაზრის მოვაჭრეებს პროტესტი.
სახალხო დამცველის წარმომადგენლის დაკვირვებისას, პოლიციელთა მხრიდან მოსახლეობაზე ძალადობა, არასათანადო მოპყრობა და უფლებამოსილების გადამეტება არ დაფიქსირებულა.
ზუგდიდის მერიის მუნიციპალიტეტის ზედამხედველობის სამსახურის უფროსის გადაწყვეტილებით, ზუგდიდის ბაზრის შიდა ტერიტორიაზე არსებული მსუბუქი კონსტრუქციების დემონტაჟი გადაიდო, რათა პროცესის მონაწილე ყველა მხარემ შეძლოს შეთანხმების მიღწევა.“ – მათქვამია სახალხო დამცველის აპარატის განცხადებაში.