დღეს საქართველოს პარლამენტის პლენარულ სხდომაზე დეპუტატები ერთმანეთს ფიზიკურად დაუპირისპირდნენ და სიტყვიერი შეურაცხყოფა მიაყენეს. ხელჩართული ,,ომი"' პარლამენტარებს შორის მოყვა ნაციონალური მოძრაობის ერთერთი ლიდერის გია ბარამიძის ლიდერის განცხადება იმის შესახებ, რომ ხელისულფლებამ უნდა დასაჯოს კონკრეტული პირები ვისი დაკვეთითაც ხდება მსგავსი ფირევის გადაღება და გავრცელება. ეს რომ ადრე მომხდარიყო, ვერავინ გაბედავდა ნიკა გვარამიას, ეკა მიშველაძისა და ინგა გრიგოლიას იგივე მეთოდებით დაშანტაჟებას.
"როგორც კი ნახავთ ადამიანს, რომელმაც ეს დანაშაული ჩაიდინა, თავზე ხელი კი არ უნდა გადაუსვათ და სამსახურიდან კი არ უნდა გაუშვათ, როგორც ეს გააკეთეთ გელა ხვედელიძის შემთხვევაში, ამ პირმა ჩაიდინა თვითმკვლელობამდე მიყვანის დანაშაული და უნდა ყოფილიყო დასჯილი", განაცხადა ბარამიძემ.
გიორგი ბარამიძის ამ გამოსვლის შემდეგ დარბაზში სიტყვა დეპუტატ ლუკა კურტანიძეს მისცეს, რა დროსაც ჩხუბი დაიწყო. ფრაქცია ქართული ოცნების დეპუტატი ომარ ნიშნიანიძე ნაციონალური მოძრაობის წარმომადგენელს მიხეილ მაჭავარიანს დაუპირისპირდა. დეპუტატმა კარლო კომპალიანმა კი მაჭავარიანს მიკროფონი ესროლა.
ვითარების განმუხტვა მანდატურების ჩარევის შემდეგ გახდა შესაძლებელი.