რუსთავი 2 ცნობით პროკურატურამ კუდ-ის ერთ-ერთი დეპარტამენტის ყოფილი უფროსი ზურაბ ჯამალაშვილი და ადვოკატი ირაკლი ფხაკაძე დააკავა. მათი დაკავება, სავარაუდოდ, პირადი ცხოვრების ამსახველი ფარული ჩანაწერების გავრცელებას უკავშირდება. ჯამალაშვილის ბრალი დღეს უნდა წაუყენონ.
როგორც ცნობილია, დაკავებულის ბინიდან ამოღებულია კომპიუტერი, მობილური ტელეფონი და კიდევ სხვა ნივთები. ჯამალაშვილის ადვოკატ გიორგი ფოფხაძის ინფორმაციით, დაკავებული თავს დამნაშავედ არ მიიჩნევს და არ იცის, რისთვის არის დაკავებული.
ზურაბ ჯამალაშვილი ჰაკერის ვასილ ჯამალაშვილის მამაა, რომელიც 2012 წელს კიბერდანაშაულისთვის დააკავეს. ამჟამად კი გირაოს საფუძველზეა გათავისუფლებული.