,,მიუხედავად იმისა, რომ ინფორმაციას თან არ ახლდა არც ვიდეომასალა და არც მასზე გადასასვლელი ბმული, დასახელებული იყო ვიდეოს სახელწოდება, რაც საშუალებას იძლეოდა მომხდარიყო პირის იდენტიფიცირება. სააგენტო აცნობიერებს მის მიერ დაშვებულ შეცდომას და ბოდიშს იხდის.'' 

"ინტერპრესნიუსისთვის" მიუღებელია პირადი ცხოვრების ამსახველი ნებისმიერი ტიპის მასალის გავრცელება და ტირაჟირება და იმედოვნებს, რომ გავრცელებულ კადრებთან დაკავშირებით შესაბამისი უწყებები დროულ რეაგირებას მოახდენენ – ნათქვამია  სააგენტოს განცხადებაში. 

დღესვე "პალიტრა მედიამ" გაავრცელა განცხადება, რონელშიც გმობს პირადი ცხოვრების ამსახველი მასალების ნებისმიერი ფორმით გავრცელებას და იმედს გამოთქვამს, რომ უმოკლეს დროში მოხდება იმ პირის (თუ პირთა) დადგენა, რომელმაც ინტერნეტსივრცეში ვიდეო ატვირთა და გაავრცელა. 

 "პალიტრა მედიის" ხელმძღვანელობამ თანამდებობიდან გაათავისუფლა  "ინტერპრესნიუსის" რედაქტორი, რომელიც პასუხისმგებელი იყო დღეს გავრცელებული პირადი ცხოვრების შესახებ ინფორმაციის ვებგვერდზე განთავსებაზე. 

ვრცელდება ინფორმაცია, რომ  ჟურნალისტები  ,,ინტერპრესნიუსს'' ტოვებენ.