ფრანგი ეპატაჟური მწერალი ფრედერიკ ბეგბედერი უკვე თბილისშია. დღეს მწერალი შეხვდება მკითხველს “ბიბლუს გალერეაში”, საღამოს კი ქართველ კოლეგებს მწერლის სახლში. ხვალ კინოთეატრ ამირანში შედგება ბეგბედერის ფილმის სიყვარული სამი წელი ცოცხლობს ჩვენება, რომელსაც თავად ავტორიც დაესწრება და იქვე გაესაუბრება გულშემატკივარს.
ბეგბედერი თბილისში გამთენიისას ჩამოვიდა და ჟურნალისტებთან განაცხადა, რომ პირველი, რასაც გააკეთებს ქართული სამზარეულოს დაგემოვნება იქნება.
მწერალი ახალგაზრდული კულტურის ერთ–ერთი თვალსაჩინო წარმომადგენელი, მსოფლიოს ყველაზე გაყიდვადი და პოპულარული მწერალია. ის ავტორია ისეთი ბესტსელერების, როგორიცაა “99 ფრანკი”, “სიყვარული სამი წელი გრძელდება”, “რომანტიკოსი ეგოისტი” და ა.შ. მისი წიგნების მიხედვით გადაღებულია მაყურებლისთვის ძალიან საყვარელი, იმავე სახელწოდების ფილმები.