„ეს არის მნიშვნელოვანი წინ გადადგმული ნაბიჯი და ჩვენი ქვეყნის, ჩვენი ხალხის ძალიან დიდი წარმატება''– განაცხადა პრემიერ მინისტრმა გიორგი კვირიკაშვილმა დღევანდელ მთავრობის სხდომაზე ევროკომისიის საკანონმდებლო ინიციატივის შესახებ ვიზალიბერალიზაციასთან დაკავშირებით.
პრემიერმა ევროკომისარს მადლობა გადაუხადა საკანონმდებლო წინადადების ინიცირებისათვის ევროკავშირის საბჭოსა და ევროპარლამენტისათვის და გამოთქვა რწმენა, რომ ასეთი მხარდაჭერის პირობებში პროცესი რამდენიმე თვეში წარმატებით დასრულდება.
შეგახსენებთ ევროკომისიის წევრმა მიგრაციის საკითხებში დიმიტრის ავრამოპულოსმა გააკეთა განცხადება, რომ საქართველო შესულია იმ ქვეყნების სიაში, რომლის მოქალაქეებსაც შენგენის ზონაში უვიზოდ მიმოსვლა შეეძლებათ.