ზუგდიდის საგანმანათლებლო რესურსცენტრის ხელმძღვანელად კახაბერ ფარცვანია დაინიშნა. აღნიშნული ინფორმაცია თავად ახლადდანიშნულმა უფროსმა საინფორმაციო-სააგენტოებს დაუდასტურა. მისი თმით, მთავარი პრიორიტეტი სკოლებში არსებული ინფრაქტრუქტურის მოწესრიგება იქნება და ამისთვის ყველა შესაბამის უწყებებთან ითანამშრომლებს.
რესურსცენტრის ხელმძღვანელად დანიშვნამდე კახაბერ ფარცვანია ქალაქ ზუგდიდის საკრებულოს საფინანსო-საბიუჯეტო საკითხთა კომისიის თავმჯდომარე იყო. ის საკრებულოში პარტია "ქართული ოცნების" სიით მოხვდა.
შეგახსენებთ, რომ ზუგდიდის საგანმანათლებლო რესურსცენტრის ყოფილი ხელმძღვანელი გონერი პაპავა გასული წლის 15 ოქტომბერს განათლებისა და მეცნიერების მინისტრის უშუალო ბრძანების საფუძველზე გაათავისუფლეს. როგორც უწყებაში განმარტავდნენ, ამის მიზეზი რესუნსცენტრში აღმოჩენილი სხვადასხვა სახის დარღვევები იყო.