ტყიბულში საქნახშირის ადმინისტრაციულ შენობასთან მაღაროელები ისევ შეიკრიბნენ. მათი ნაწილი იქ მთელი ღამის განმავლობაში იმყოფებოდა.
მეშახტეების მოთხოვნები უცვლელია და მათ შესრულებამდე პროტესტის შეწყვეტას არ აპირებენ. მაღაროელები ხელფასის მატებასა და სამუშაო პირობების გაუმჯობესებას ითხოვენ.
მაღაროელები დღეს აქციის გამართვას გამგეობის შენობასთანაც გეგმავენ, ისინი ადგილობრივ ხელისუფლებას მოუწოდებენ, პროცესში ჩაერთონ.
გუშინ აქციის მონაწილეებმა ტყიბულის თბოელექტრო სადგურთანაც გადაინაცვლეს, რომლის მუშაობაც შახტის მუშაობაზეა დამოკიდებული. მათი თქმით, ამით უნდოდათ ეჩვენებინათ, რომ თუ ისინი არ გააგრძელებენ საქმიანობას, ამით პრობლემები სხვა დაწესებულებებსაც შეექმნებათ
არც გუშინ, არც დღეს დღეს მაღაროელებს ადგილბორივი ხელისუფლებიდან არავინ შეხვედრია. სავარაუდოდ დღეს ტყიბულში მაჟორიტარი დეპუტატი, ელისო ჩაფიძის ჩავა .