საქართველოს ტერიტორიულ მთლიანობის აღდგენა და ევროკავშირში ინტეგრაცია იყო მთავარი თემა ესპანეთის სამეფოს საგარეო და თანამშრომლობის მინისტრის ხოსე მანუელ გარსია-მარგაიოს შეხვედრაზე საპატრიარქოში სრულიად საქართველოს კათოლიკოს-პატრიარქთან ილია მეორესთან.
"ჩვენ ყველაფერს ვაკეთებთ იმისათვის, რომ საქართველო ევროკავშირის წევრი გახდეს, ეს მალე მოხდება. ტერიტორიული მთლიანობა ჩვენი ქვეყნის დიდი ტკივილია,“- განაცხადა პატრიარქმა.
მისი თქმით, ქვეყნის სუვერენიტეტზე ვლადიმერ პუტინთანაც ჰქონდა საუბარი და ამბობს, რომ ეს პრობლემა გადაუჭრელი არ უნდა დარჩეს.
ესპანეთის საგარეო საქმეთა მინისტრმა ხოსე მანუელ გარსია მარგაომ კი აღნიშნა, რომ ესპანეთი მხარს უჭერს საქართველოს ევროპის სრულუფლებიან წევრად გახდომას და მისი ტერიტორიული მთლიანობის აღდგენას. აუცილებლად უნდა აღდგეს.
როგორც ხოსე მანუელ გარსია-მარგაიომ აღნიშნა, რომ ესპანეთს მჭიდრო ურთიერთობა აქვს საქართველოსთან , თუმცა იმედოვნებს, რომ ეს კავშირი კიდევ უფრო გაღრმავდება.
"მოუთმენლად ველოდებით საქართველოს ევროპის სრულუფლებიან წევრად გახდომას. ჩვენ ერთად ვმუშაობთ, რათა უზრუნველვყოთ საქართველოს ტერიტორიული მთალიანობა და და მისი ევროპული მომავალი. ვაკეთებთ ყველაფერს იმისათვის, რომ ევროპასთან უვიზო მიმოსვლა საქართველოს ზაფხულამდე ჰქონდეს", – განაცხადა ესპანეთის საგარეო საქმეთა მინისტრმა.