შრი-ლანკაზე კიდევ ერთი აფეთქება მოხდა.  ადგილობრივი მედიის ინფორმაციით, აფეთქება ამჯერად დედაქალაქ კოლომბოდან მოშორებით  მდებარე პუგოდას რაიონში მოხდა. მომხდარის შედეგად დაღუპულებისა და დაშავებულების შესახებ ინფორმაცია ჯერ არ ვრცელდება. პოლიციაში აცხადებენ, რომ მიმდინარეობს გამოძიება. საგამოძიებო უწყებაში  ასევე ვერ აკონკრეტებენ, უკავშირდება თუ არა მომხდარი ტერორისტულ თავდასხმას. შეგახსენებთ, რომ 21 აპრილს შრი-ლანკაზე ტერაქტების სერიის შედეგად 359 ადამიანი დაიღუპა. 500-ზე მეტი საავადმყოფოში რჩება.