ჯონ კერი სირიის ჩრდილოეთით გამორიცხავს უსაფრთხოების ზონის შექმნას სახმელეთო ჯარის მხარდაჭერის გარეშე.
სენატში სიტყვით გამოსვლისას შეერთებული შტატების სახელმწიფო მდივანმა განაცხადა, რომ უსაფრთხოების ზონა პენტაგონის გათვლებით, რეგიონში 30 ათასამდე ქვეითი ჯარისკაცის განლაგებას საჭიროებს.
ჯონ კერი მიიჩნევს, რომ შეერთებული შტატების ხელისუფლება ამ გადაწყვეტილების მისაღებად ჯერ მზად არ არის.
თუ მხარეები შეთანხმებას არ შეასრულებენ, ვაშინგტონში ალტერნატიული სამოქმედო გეგმას განიხილავენ. ერთ-ერთი უსაფრთხოების ზონის შექმნას ითვალისწინებს.
რეჯეპ ტაიპ ერდოღანი ეჭვობს, რომ სირიის ცეცხლის შეწყვეტის შეთანხმება სარგებელს მხოლოდ ბაშარ ასადს მოუტანს. განცხადება თურქეთის პრეზიდენტმა ანკარაში, გუბერნატორებთან შეხვედრის დროს გააკეთა.
ერდოღანის თქმით, სამთავრობო ძალები და რუსეთი ზავის პერიოდს, ტერორისტებთან ბრძოლის საბაბით, ოპოზიციურ ჯგუფებზე იერიშების მისატანად გამოიყენებენ. სიტყვით გამოსვლის დროს თურქეთის ლიდერმა კიდევ ერთხელ დაადანაშაულა ოფიციალური მოსკოვი ქვეყნის საჰაერო სივრცის დარღვევაში.
ცეცხლის შეწყვეტის რეჟიმი სირიაში 27 თებერვალს ამოქმედდება.