მთავარისიახლეებიპოლიტიკარა მოგვიტანა დღეს საპენსიო რეფორმამ? - კამათი საფინანსო-საბიუჯეტო კომიტეტის სხდომაზე

რა მოგვიტანა დღეს საპენსიო რეფორმამ? – კამათი საფინანსო-საბიუჯეტო კომიტეტის სხდომაზე

Published on

,, საპენსიო რეფორმა ისტორიული მნიშვნელობისაა ჩვენი ქვეყნისთვის – განაცხადა დღეს ფინანსთა მინისტრმა  ივანე მაჭავარიანმა  საფინანსო-საბიუჯეტო კომიტეტის სხდომაზე. –  ჩვენ ძალიან კარგად გვესმის ქვეყანაში არსებული საპენსიო სისტემის პრობლემები. ამგვარ გამოწვევებზე საპასუხოდ ყველაზე საუკეთესო, რაც მსოფლიოში გამოიგონეს,არის მრავალსვეტიანი საპენსიო სისტემა. სწორედ ეს არის ის, საითკენაც უნდა წავიდეთ ჩვენც. ბუნებრივია, ეს სისტემა გულისხმობს არსებული საბაზისო, უნივერსალური სვეტის შენარჩუნებასა და მნიშვნელოვნად გაძლიერებას. მრავალსვეტიანი სისტემის მთავარი მიზანი იყო და არის, ფისკალურად მდგრადი სისტემისშექმნა, რომელიც უზრუნველყოფს ჩვენი მოქალაქეების ღირსეულ საპენსიო შემოსავლებს. ჩატარებული ანალიზის საფუძველზე, ასევე, საერთაშორისო გამოცდილებაზე დაყრდნობით, მოსალოდნელია, რომ საპენსიო რეფორმა გრძელვადიან პერიოდში ეკონომიკას გაზრდის 4 პროცენტით, ხოლო მიმდინარე ანგარიშს გააუმჯობესებს 2 პროცენტული პუნქტით.  ”
 
 საპენსიო რეფორმისა და ფონდის შესახებ პრინციპულად საწინააღმდეგო თვალსაზრისი გამოთქვა ევროპული საქართველოს ლიდერმა დავით ბაქრაძემ
,,რა მოგვიტანა დღეს საპენსიო რეფორმამ? პირველი, ადამიანებს ყოველთვიურად იძულებით ართმევენ ფულს, უმცირებენ ხელფასს და ეს ფული მიდის კომერციულ ბანკებში. ანუ, იმისთვის რომ ჩვენი საკუთარი ფული კომერციულ ბანკში დაგვადებინონ ძალით, სახელმწიფო იძულებით გვახდევინებს კიდევ ფულს. არ არსებობს არანაირი გეგმა, არ არსებობს საინვესტიციო საბჭო, არსებობს უბრალოდ საპენსიო სააგენტო. ვინახავთ მორიგ ბიუროკრატიას, რომელიც ჩვენ ხარჯზე არსებობს, აქვს ძალიან მაღალი ხელფასები და დაკავებულია ახალი მავნებლური რეგულაციების მოგონებით, მაგალითად ისეთით, რომ თურმე ჩაერევა შრომით დავებში და დაააჯარიმებს კომპანიებს მათი თანამშრომლების ხელფასების ზრდის ან შემცირების მიხედვით. ” – განაცხადა მან 
 

სიახლეები

ვისაც გვჯერა ევროპული საქართველოსი და არა რუსულ ჩექმის ქვეშ გატრუნულისა, დღეს ყველა ვიქნებით ევროპის მოედანზე! – ზურაბიშვილი

საქართველოს მეხუთე პრეზიდენტი, სალომე ზურაბიშვილი დღევანდელ, 9 მაისის მარშს სოციალურ ქსელში ეხმიანება: ვისაც გვჯერა ევროპული...

დონალდ ტრამპმა ერდოღანს რუსეთ-უკრაინის ომის დასრულების საქმეში შუამავლობა სთხოვა

თურქეთის პრეზიდენტ რეჯეფ თაიფ ერდოღანთან სატელეფონო საუბრისას აშშ-ის პრეზიდენტმა დონალდ ტრამპმა მას რუსეთსა და...

ესტონეთმა საქართველოს დიპლომატიური და სამსახურებრივი პასპორტების მფლობელებს უვიზო მიმოსვლა შეუჩერა

სტონეთმა საქართველოს დიპლომატიური და სამსახურებრივი პასპორტების მფლობელებს უვიზო მიმოსვლა შეუჩერა. ამის შესახებ განცხადება ესტონეთის...

“ან რუსეთი უნდა შეიცვალოს რადიკალურად, ან მსოფლიოს მოუწევს შეცვლა… ბოროტების მოთვინიერება შეუძლებელია, მას უნდა ებრძოლო” – ვოლოდიმირ ზელენსკი

"ხვალ, ნაცისტების სისასტიკეზე ისაუბრებს ბუჩაში მასობრივი საფლავების მომწყობი. ლენინგრადის ბლოკადაზე ისაუბრებენ ისინი, ვინც მოაწყო...