საქართველოს პრემიერ-მინისტრი ზუგდიდის მუნიციპალიტეტის სოფელ რუხს ესტუმრა და მრავალფუნქციური სავაჭრო ცენტრი გახსნა.რუხის სავაჭრო ცენტრი 10 ათას კვადრატულ მეტრს იკავებს, ხოლო საერთო განაშენიანების ფართობი 5 ჰექტარია.
სავაჭრო ცენტრში წარმოდგენილია საცალო და საბითუმო, ავეჯის და ტექნიკის მაღაზიები, ჰიპერმარკეტი, ღია ტიპის ბაზარი, იუსტიციის სამინისტროს საზოგადოებრივი ცენტრი, საფინანსო და საბანკო მომსახურების ობიექტები, ავტოსერვისი, ფოსტა, აფთიაქი. სავაჭრო ფართები ასევე აღჭურვილია განათების, ვენტილაცია-კონდიცირების და გათბობის თანამედროვე სისტემებით.იუსტიციის მინისტრმა პრემიერს მომსახურების ცენტრი, ელექტრონული ბიბლიოთეკა და თანამედროვე ტექნიკით აღჭურვილი საკონფერენციო დარბაზი დაათვალიერებინა. თეა წულუკიანი გიორგი კვირიკაშვილს საჯარო და კერძო სექტორის 200-ზე მეტი სერვისის შესახებ ესაუბრა, რომელთაც სოფელ რუხსა და მიმდებარე ტერიტორიაზე მცხოვრები მოსახლეობა დღეიდან სოფლიდან გაუსვლელად მიიღებს.