გუბაზ სანიკიძე "ქართული ოცნების" თავმჯდომარეს გიჟს უწოდებს და ამბობს, რომ ბიძინა ივანიშვილი ფსიქიკურად დაავადებულია.
გუბაზ სანიკიძე ყოფილ თანაგუნდელზე საუბრისას ამბობს, რომ ოლიგარქმა ჩცდ-ს ბაქარ ორჯონიკიძეში საკუთარი თავი დაინახა.
"ფსიქიურად დაავადებულია, ექიმთან არის მისაყვანი. ეს არ არის არც სარკაზმი და არც ღადაობა. ადამიანი აღარ არ არის ჭკუაზე, დაუპირისპირდა მთელ სამყაროს, მარტო ქართველ ხალხს კი არა მთელი სამყაროს წინააღმდეგაა. არის გადასული ჭკუიდან. გამოავლინა შიშები, თურმე ეშინია ქუჩის აქციების, ეშინია სერიალების. რამდენი სერიალი გადის ჩვენთან?! – გადის ერთი – "ჩემი ცოლის დაქალები", იქ რომ არის პერსონაჟი – ბაქარა ორჯონიკიძე მასში საკუთარ თავს ხედავს. ეს ჩვენ ხომ არ დაგვიბრალებია.
ახლა აპირებს საქართველოს ისტორიაზე ფილმის გადაღებას. მაგალითად ერთი იქნება – 301 და რატომ სამას ერთი – სამასი არაგველი არ იყო, უბრალოდ ერთი მძიმედ დაიჭრა და გადარჩა, ეს არის ბიძინა ივანიშვილი.
დავით აღმაშენებელზე გადაიღებს ფილმს. აღმაშენებელი გაზარდა ჭყონდიდელმა, მაგრამ ეს არის მაშინდელი ბიძინას ფსევდონიმი
. ფარნავაზი და ქუჯი ერისთავთან მიმართებით, იქ მესამე კაციც იჯდა, ბიძინა ივანიშვილი იყო, უბრალოდ ეგ ხომ თავმდაბალი კაცია და ინკოგნიტოდ დატოვა თავი ისტორიაში. ახალი წყაროები გამოჩნდნენ და სამნი ყოფილან თურმე – ფარნავაზი, ქუჯი და ბიძინა.
დიდგორში, 200 მხედარი რომ შეაგზავნა ილღაზის ბაზაშაში დავით აღმაშენებელმა ის ასმეთაური იყო ბიძინა, ცხენზე იჯდა, აბჯარი ეცვა, კარგი დასანახი იქნებოდა.
გიჟია, გიჟი, სამკურნალოა და სახიფათოა ქვეყნისთვის, ის არჩვენებით წასვლას არ აპირებს, ამას შეიძლება მთელი ქვეყანა შესწიროს"- განაცხადა "ნიუპოსტთან" გუბაზ სანიკიძემ