ამ წუთებში დასრულდა ბრიფინგი საქართველოს ენერგეტიკის სამინისტროში. ენერგეტიკის მინისტრის კახი კალაძის განცხადებით, აფხაზეთის ელექტრომარაგებაში შექმნილი კრიტიკული მდგომარეობის ანალიზის საფუძველზე ,,აღნიშნული პრობლემის გადაწყვეტის და მძიმე შედეგების თავიდან აცილების მიზნით მოკლევადიან და ოპერატიულ გზად მიჩნეულ იქნა რუსეთის ფედერაციიდან დამატებითი მოცულობების შემოტანა, რითაც შექმნილი ვითარება გარკვეულწილად დარეგულირდა.
როგორც მინისტრმა აღნიშნა, ეს მხოლოდ დროებითი ზომებია და გრძელვადიან პერსპექტივაში საწიროა საფუძვლიანი მუშაობა პრობლემის კომპლექსურად გადაწყვეტისთვის .
"აფხაზეთის ტერიტორიაზე ცენტრალური ხელისუფლების იურისდიქცია არ ვრცელდება, მაგრამ საქართველო, საერთაშოროსო სამართალი და საერთაშორისო თანამეგობრობა ჩვენი ქვეყნის ოკუპირებულ ტერიტორიებს განვიხილავთ როგორც ერთიანი სახელმწიფოს შემადგენელ ნაწილს და შესაბამისად, მთავრობის პოლიტიკური პასუხისმგებლობაა ერთნაირად იზრუნოს თითოეულ მოქალაქეზე. ეს არის ჩვენი კეთილი ნება და მყარი პოზიცია", – განაცხადა კალაძემ.