ზუგდიდის მუნიციპალიტეტის სოფელ ცაიშში კომპანია „STIMOR ASSOCIATE”-ს სათბურის 70-მდე თანამშრომელი გაიფიცა.გაფიცულები აცხადებენ, რომ მოითხოვეს ყოველდღიური 20-ლარიანი ანაზღაურების 5 ლარით გაზრდა, რის გამოც ისინი სამსახურიდან გაათავისუფლეს. აქციის მონაწილეები აცხადებენ, რომ ხელმძღვანელობამ სამსახურიდან მათი ნათესავებიც დაითხოვა.გაფიცულებს სოფლის გამგებელი ალექსი ლიპარტია შეხვდა, რომელმაც მუშებს განუცხადა,რომ კომპანიის წარმომადგენლებს ესაუბრა და მათგან მიიღო თანხმობა, რომ მუშები სამუშაოს დაბრუნებოდნენ. „STIMOR ASSOCIATE”-ს  ჟურნალისტები დაუკავშირდნენ და სატელეფონო კომენტარი ჩაწერეს, კომპანიის წარმომადგენელმა ჟურნალისტებს   განუმარტა, რომ მუშების გათავისუფლება არ მომხდარა. კომპანიის საზოგადოებასთან ურთიერთობის სამსახურის უფროსის ლიკა ქორთიას განცხადებით, სასათბურე მეურნეობაში დასაქმებულებს მხოლოდ ის განუმარტეს, რომ ამ ეტაპზე კომპანიას არ შეეძლო ხელფასების გაზრდა.ჯერჯერობით გაფიცული მუშები კომპანიის შეთავაზებაზე უარს ამბობენ,მათი განცხადებით, საპროტესტო აქციებს მანამ გააგრძელებენ,სანამ მათი მოთხოვნა არ დაკმაყოფილდება.