ავტობუსებისა და მიკროავტობუსების მძღოლებმა დღეს ავტოსადგურის ტერიტორიაზე გამაფრთხილებებლი აქცია მეხუთედ გამართეს. დღესვე ცნობილი გახდა, რომ შპს „ავტოსადგურმა“ სატრანსპორტო კომპანია „მეტრო+“-თან 20 იანვარს დადებული ხელშეკრულება ცალმხრივად გააუქმა,ამის შესახებ ჟურნალისტებს ავტოსადგურის ადვიკატმა ჯიტა გულუამ განუცხადა, რომელიც ამბობს, რომ ხელშეკრულება უკანონოდ იყო გაფორმებული, რადგან გადაწყვეტილება ამის შესახებ მხოლოს სადგურის დირექტორმა ირა ნადარაიამ მიიღო.ადვოკატის განცხადებით, შპსს მეწილეები 5 თებერვალს შეიკრიბებიან და დირექტორს გადაირჩევენ, ხოლო რაც შეეხება ჯარიმის ცალმხრივად გაწყვეტას, ამის გამო შესაძლებელია ავტოსადგურს ჯარიმა დაეკისროს-ამბობს გულუა.მძღოლების გამაფრთხილებელ აქციას დღეს საქართველოს ტრანსპორტის პროფკავშირების პრეზიდენტი ლავრენტი ალანიაც შეუერთდა, რომელიც მძღოლებს სამართლებრივი დავის პირობებში თანადგომას დაპირდა.მძღოლები პირობას იძლევიან რომ სამგზავრო სერვისი გაუმჯობესდება, რაც ადრე მგზავრების უკმაყოფილებას იწვევდა.რაც შეეხება კომპანია მეტრო პლიუსს, მისი წარმომადგენელი დავით დიდიშვილი ქალაქში არ იმყოფება, თუმცა მან ჟურნალისტებტან სატელეფონო საუბრისას განაცხადა, რომ ხელშეკრულების გაუქმების შესახებ მას ინფორმაცია არა აქვს და შესაბამისად არც გადაწყვეტილება მიუღიათ.
შპს ავტოსადგურის მძღოლები ამბობენ,რომ მუშაობას ხვალიდან შეუდგებიან, თუმცა აცხადებენ,რომ ამით ბრძოლას არ წყვეტენ, შეგახსენებთ, რომ მძღოლები თურქული კომპანია „მეტრო+“-ის წინაარღმდეგ აქციებს რამდენიმე დღეა ინტენსიურად მართავენ, აქციის მონაწილეებმა ორშაბათს კომპანიის კუთვნილ ავტობუსებს წითელი საღებავი და კვერცხები დაუშინეს. აქციის მონაწილეების თქმით, ისინი არ დაუშვებენ თურქული კომპანიის ზუგდიდში შემოსვლას, რადგან მათ შიში აქვთ, რომ კონკურენციის პირობებში მუშაობას ვერ შეძლებენ და უმუშევრები დარჩებიან.