თურქული პრესაზე დაყრდნობით გავრცელდა ინფორმაცია სტამბოლის მახლობლად მდებარე ქალაქში სამი ქართველის მკვლელობის შესახებ.
როგორც იუწყებიან, საცხოვრებელ სახლში ნაპოვნია ორი დისა და მათი შვილიშვილის ყელგამოჭრილი ცხედრები.
გაუჩინარებიდან სამი დღის შემდეგ გარდაცვლილთა სახლში ერთ-ერთი ქალის ყოფილი ქმარი მივიდა და ცხედრები წორედ მან აღმოაჩინა.
საქართველოს საგარეო საქმეთა სამინისტროს ცნობით, გარდაცვლილთაგან მხოლოდ ერთია (ქალი) საქართველოს მოქალაქე, – მეორეს საქართველოს მოქალაქეობა შეწყვეტილი ჰქონდა და გარდაცვალების მომენტისთვის უკვე აქვს თურქეთის მოქალაქეობა ჰქონდა. 18– 20 წლამდე წლის ახალგაზრდა მამაკაცის ვინაობა და ეროვნება ჯერჯერობით დადგენილი არ არის.
როგორც სამინისტროში აცხადებენ, საქართველოს საელჩო თურქეთში მუდმივ კოორდინაციაში იმყოფება თურქ სამართალდამცველებთან. მიმდინარეობს გამოძიება.
თურქეთში მომხდარ მკვლელობასთან დაკავშირებით მედიაში ურთიერთგამომრიცხავი ინფორმაცია ვრცელდება, მათ შორის გარდაცვლილთა ასაკთან დაკავშირებით. საგარეო საქმეთა სამინისტროში კი თურქეთში საქართველოს კონსულის ინფორმაციაზე დაყრდნობით აცხადებენ, რომ გარდაცვლილებს შორის მცირეწლოვანი არ არის. სხვა დეტალები კი დგინდება.