სამეგრელოში ავტოსაგზაო შემთხვევის შედეგად 5 ადამიანი დაიღუპა და 6 დაშავდა. სამი დაშავებულის მდგომარეობა სტაბილურია და სხეულის მრავლობითი დაზიანებებით ზუგდიდის რაიონულ საავადმყოფოში გადაიყვანეს. სხვა დაშავებულები ქუთაისისა და თბილისის საავადმყოფოებში მოათავსეს.
ავტოსაგზაო შემთხვევის ზუსტი მიზეზი ამ დროისთვის უცნობია. როგორც "სივილ პრესს" შინაგან საქმეთა სამინისტროს პრესსამსახურში განუცხადეს, მომხდართან დაკავშირები გამოძიება 276-ე მუხლის მეშვიდე ნაწილით მიმდინარეობს, რაც გულისხმობს საგზაო მოძრაობის უსაფრთხოების წესების დარღვევას, რამაც ადამიანის სიცოცხლის მოსპობა გამოიწვია.