უბედური შემთხვევა ფოთში – 8 წლის ბიჭს დენმა დაარტყა. ადგილობრივების განცხადებით, შემთხვევა ერთ-ერთი კორპუსის ეზოში მოხდა, სადაც სატრანსფორმატორო ქვესადგური მდებარეობს.
მოზარდმა სხეულის დიდი ნაწილის დამწვრობა მიიღო. პირველადი სამედიცინო დახმარება დაშავებულ მოზარდს სასწრაფოს ექიმებმა გაუწიეს, შემდეგ კი ფოთის კლინიკურ საავადმყოფოში გადაიყვანეს.
მდგომარეობის სიმძიმის გამო, დაშავებული მოზარდი კატასტროფის ბრიგადამ გვიან ღამით თბილისში დამწვრობის ცენტრში გადმოიყვანა. "ენერგო-პრო-ჯორჯიას" წარმომადგენლების განცხადებით, ადგილზე უსაფრთხოების ნორმები დაცული იყო. ქვესადგურის კარი კი ჩაკეტილი.