4-6 ივნისი. მონტენეგროში მიმდინარეობს  მორიგი საერთაშორისო ფორუმი  უსაფრთხოების საკითხებში – TO BE SECURE. 
კონფერენციის მთავარი თემა იყო ევროატლანტიკური და საერთაშორისო უსაფრთხოება, ნატო-ს წინაშე არსებული გამოწვევები, ბრძოლა საერთაშორისო ტერორიზმთან და ვითარება აღმოსავლეთ ევროპის რეგიონში, უკრაინის კრიზისი და მისი დაძლევის გზები.
საქართველოს საგარეო საქმეთა მინისტრმა თამარ ბერუჩაშვილმა კონფერენციის ფარგლებში მონაწილეობა მიიღო დისკუსიაში უკრაინის კრიზისზე, სადაც რუმინეთის საგარეო საქმეთა მინისტრის მოადგილესთან, საერთაშორისო ანალიტიკური ორგანიზაციების ექსპერტებთან ერთად განიხილავდნენ უკრაინაში შექმნილ ვითარებას, კრიზისის მოგვარების გზებს, მის გავლენას ევროპულ და გლობალურ უსაფრთხოებაზე, ასევე იმ აუცილებელ ნაბიჯებს ,რაც უნდა გადაიდგას საერთაშორის ოთანამეგობრობის მხრიდან რუსეთის შემდგომი აგრესიის შესაჩერებლად. 
საგარეო უწყების ინფორმაციით, თავის გამოსვლაში მინისტრმა ისაუბრა  უკრაინასა და ზოგადად, რეგიონში არსებული ვითარების მოგვარების გზებზე და ხაზგასმით აღნიშნა დასავლეთის ერთიანი და მტკიცე პოზიციის  მნიშვნელობა.
"რუსეთმა შესაბამისი ფასი უნდა გადაიხადოს იმისათვის, რაც ჩაიდინა საქართველოსა და უკრაინაში. საჭიროა დასავლეთის ერთიანი, მტკიცე და პერმანენტული პოზიცია, მხარდაჭერა იმ ქვეყნების, ვინც გააკეთეს თავისი სუვერენული არჩევანი და რის გამოც ისინი, ფაქტობრივად, ისჯებიან", – განაცხადა ბერუჩაშვილმა.