საქართველოს პარლამენტის წევრი "ერთიანი ნაციონალური მოძრაობიდან" გიგი წერეთელი დღეს ზუგდიდში იმყოფებოდა და თაბუკაშვილის ქუჩაზე კომპაქტურად ჩასახლებულ დევნილებს შეხვდა. დეპუტატი ადგილზე გაეცნო არსებულ სიტუაციას, იძულებით გადაადგილებული პირებისგან მოისმინა იმ პრობელების შესახებ, რომელიც ამჟამად კომპაქტურ ჩასახლებაში მცხოვრებლეს აწუხებთ. როგორც დევნილები აღნიშნავენ, მიუხედავად საცხოვრებელი კორპუსების გარეგნული იერსახისა, შიგნით მათ მძიმე საცხოვრებელი პირობები აქვთ. დევნილთა განცხადებით, კორპუსში სახურავი უხარისხოდაა გაკეთებული და უამინდობის დროს წყალი ჩამოდის, კედლები და იატაკი დანესტიანებულია. თაბუკაშვილის ქუჩაზე მცხოვრები დევნილები სწრაფად და უხარისხოდ აშენებულ საცხოვრებელ კორპუსებზე ლაპარაკობენ.პარლამენტის წევრი გიგი წერეთელი დევნილებს შეპირდა, რომ დაინტერესდება აღნიშნული საკითხით და მაქსიმალურად დაეხმარება დევნილებს პრობლემების გადაწყვეტაში.  თაბუკაშვილის ქუჩაზე მცხოვრებ დევნილებთან გიგი წერეთელის შეხვედრა დაახლოებით 1 საათი გაგრძელდა.