რადიო "ოდიში+" მაუწყებლობის არეალს აფართოებს და მალე მთელი სამეგრელოს მასშტაბით მისი მოსმენა ყველას შეეძლება. საქართველოს კომუნიკაციების მარეგულირებელი ეროვნული კომისიის დღევანდელი სხდომის გადაწყვეტილებით, რადიოსადგურს სენაკში მაუწყებლობისთვის ლიცენზიის მოთხოვნა დაუკმაყოფილეს. აღნიშნული დადგენილებით, რადიოს შესაძლებლობა ეძლევა გასცდეს ზუგდიდს და მისი შემოგარენს და სამეგრელოს მასშტაბით იმაუწყებლოს.
ამ ეტაპზე რადიოს პირდაპირ ეთერში, საათში ერთხელ საინფორმაციო გამოშვებები გადის, რომელიც როგორც ადგილობრივ, ასევე ქვეყნის და მსოფლიო მასშტაბით მიმდინარე ამბებს მოიცავს. ახლო მომავალში კი რადიო სხვადასხვა შინაარსის გადაცემებსაც მოამზადებს.