საქართველოს მესამე პრეზიდენტის თქმით, მისი ამოცანაა, ახალი სახეების და ადამიანების აღმოჩენა. სააკაშვილი ამბობს, რომ მისი ხელისუფლებაში ყოფნის დროს საქართველოში უფრო მეტი ადამიანი შემოდიოდა, „ქართული ოცნების“ პირობებში კი ქვეყანას უამრავი ადამიანი ტოვებს.
„მე მაქვს მობილიზებული, ჩემი აზრით, 10 მილიარდამდე ამერიკული დოლარი საქართველოში პირდაპირი ინვესტიციებისთვის. ეს არის ის, რასაც ბიზნესმენები ჩადებენ აუცილებლად, მათ შორის ქართული დიასპორის ბიზნესმენები და არა მხოლოდ. საქართველოში, როგორც კი ივანიშვილის რეჟიმი იქიდან მოშორდება,“ – აღნიშნა მიხეილ სააკაშვილმა.
საქართველოს მესამე პრეზიდენტი საქართველოსა და მის ფარგლებს გარეთ მყოფი ადამიანების რესურსზე საუბრობს.
„ამ ხალხმა უნდა აიღოს ხელში ლიდერობა, არის საუკეთესო რესურსზე ლაპარაკი საქართველოს გარეთ და საქართველოს შიგნით. ლიეჟში, ეს არის შეკრება უცხოეთში მყოფი ქართველების და საქართველოში მყოფი ქართველების, ჩვენ, რა თქმა უნდა, უნდა შევცვალოთ რეჟიმი მშვიდობიანი წინააღმდეგობებით,“ – აცხადებს მიხეილ სააკაშვილი.