სააგენტო რეიტერსის გერმანიის ფედერაციული პოლიციის მაღალჩინოსნების განცხადებებზე დაყრდნობით ავრცელებს ინფორმაციას, რომ გერმანიის კანცლერის ანგელა მერკელის სამუშაო ოფისში სამართალდამცავები მუშაობენ, გადაკეტილია შენობაში შესასვლელები და მიმდებარე ქუჩები, ამის მიზეზი გახდა ფოსტით გადმოგზავნილი უცნაური პაკეტი, რომელიც საეჭვო ეჩვენათ ოფისის თანამშრომლებს – პაკეტი დილის ცხრის ნახევარზე, პატრულირების პროცესში აღმოაჩინეს.
ჯერჯერობით უცნობია, იმყოფებოდა თუ არა საეჭვო პაკეტის აღმოჩენისას კანცლერი ოფისში. პოლიციის ცნობით, შეზღუდვები პაკეტის შემოწმების დასრულებამდე და სიტუაციის გარკვევამდე გაგრძელდება.
დღეს კანცლერის უწყებაში დაგეგმილია გერმანიის ფედერაციული რესპუბლიკის მინისტრთა კაბინეტის სხდომა, რომელიც პირველია ამ ახალ, 2016 წელს.
დამატებითი დეტალების შესახებ ინფორმაცია ჯერჯერობით არ ვრცელდება.