მთავრობის ადმინისტრაციის ცნობით, გაიმართა გიორგი კვირიკაშვილის პირველი შეხვედრა საქართველოს პრემიერ-მინისტრის რანგში, ამერიკის შეერთებული შტატების საგანგებო და სრულუფლებიან ელჩთან საქართველოში იან კელისთან
შეხვედრაზე განხილულ იქნა პარტნიორულ ურთიერთობები საქართველოსა და ამერიკის შეერთებულ შტატებს შორის, ყურადღება გამახვილდა საქართველოში და ზოგადად რეგიონში უსაფრთხოების კუთხით არსებულ მდგომარეობასა და გამოწვევებზე, საუბარი ასევე შეეხო მდგომარეობას საქართველოს ოკუპირებულ რეგიონებში.
იან კელიმ წარმატებები უსურვა გიორგი კვირიკაშვილს ახალ პოსტზე და აღნიშნა, რომ აშშ-ი მტკიცედ უჭერს მხარს საქართველოს სუვერენიტეტს, მის ტერიტორიულ მთლიანობას, ქვეყანაში მიმდინარე დემოკრატიული რეფორმების დღის წესრიგს და საქართველოს ევროპულ და ევროატლანტიკურ სტრუქტურებში ინტეგრაციას.
„შეხვედრაზე ვისაუბრეთ თუ რა გზით უნდა დავეხმაროთ საქართველოს, რა სფეროში ვიქნებით მისთვის ყველაზე საჭირო, რათა იგი წარმატებული გახდეს“, – აღნიშნა იან კელიმ შეხვედრის დასრულების შემდეგ.