საქართველოს მასშტაბით ყინვები 7 იანვრამდე შენარჩუნდება. ამის შესახებ ინფორმაციას გარემოს ეროვნული სააგენტოს მონიტორინგისა და პროგნოზირების ცენტრის ჰიდრომეტეოლოგიური სამსახურის უფროსი სვეტლანა ნიორაძე ავრცელებს. რაც შეეხება ნალექს, მოსალოდნელია დასავლეთ საქართველოში, დაბლობში წვიმის სახით, მაღლობში თოვლის სახით. თოვლია ნავარაუდევი აღმოსავლეთ საქართველოს ზოგიერთ რაიონშიც. რაც შეეხება თბილისს, დღეს ღამის საათებში მცირე თოვლია მოსალოდნელი. დედაქალაქში ჰაერის ტემპერატურა დღეს და ხვალ -6-7 გრადუსი ყინვა იქნება, ხოლო 6 იანვარს ყინვა შესუსტდება და მოსალოდნელია 0 გრაუდი.