The Guardian – ის ცნობით, ბრიტანელმა არქეოლოგებმა ეგვიპტის ერთერთ უძველესი ქალაქ –ნავსადგურის ნავკრატისის ტერიტორიაზე მრავალრიცხოვან არტეფაქტებს მიაგნეს. გათხრები მიმდინარეობდა ნილოსის დელტაში ბრიტანეთის მუზეუმის ეგიდით და ხსანგრძლივი მუშაობის შემდეგ წარმატებით დაგვირგვინდა. არქეოლოგები საუბრობენ იმაზე, როგორ მოხდა ძველი ეგვიპტის ამ უმდიდრესი სავაჭრო ქალაქის განძეულობის აღმოჩენა. თავდაპირველად მიწას ამოყვა მერქნის ნატეხი, რომლითაც ძველბერზენტა ხომალდები იგებოდა, ასევე ღვინის ღმერთისადმი მიძრვნილი და მემთვრალეტა რიტუალური ორგიების ამსახველი ეგვიპტური მინიქანდაკებები, რასაც სემდეგ უფრო ფასეული და საინტერესო აღმოცენები მოჰყვა. მკვლევარები აცხადებენ, რომ მათ მიაგნეს 10 ათასამდე არტეფაქტს, რომელმაც მითიური საბურველი უნდა ჩამოხსნას ნავკრატისის ისტორიას. ეს ქალაქი , როგორც უძველესი ნავსადგური, იხსენიება ძველი ბერძენი ისტორიკოსის ჰეროდოტეს შრომებში, რომელიც ჩვენს ერამდე მეხუთე საუკუნით თარიღდება. არქეოლოგიური აღმოჩენები ადასტურებს ამ ქალაქში მსხვილი სავაჭრო კვანძის არსებობას. როგორც ბრიტანეთის მუზეუმის კურატორი და პროექტის ხელმძღვანელი დოქტორი როს თომასი აცხადებს, აქ აღმოჩენილია ერთი ქალაქისათვის უჩვეულოდ ბევრი სხვადასხვა ტიპისა და წარმომავლობის საგანი, რაც სწორედ სხვა ქვეყნებთან კავშირებსა და ფართო და გამართული სავაჭრო ქსელის არსებობაზე მეტყველებს. რამდენადმე სანდო ინფორმაციას ქალაქ ნავკრატისის ზუსტ მდებარეობაზე ჩვენს დრომდე არ მოუღწევია და იგი დიდხანს იყო ჩაკარგული მითებსა და ლეგენდებში.თუმცა 1884 წელს ინგლისელმა ეგვიპტოლოგებმა შეძლეს გამოეთვალათ ქალაქის მდებარეობის მიახლოებითი კოორდინატები, რის შემდეგაც დაიწყო პერიოდული გათხრები სავარაუდო ტერიტორიაზე, თუმცა აქამდე ესოდენ სარწმუნო აღმოჩენები აქ არ გაკეთებულა. არქეოლოგები ირწმუნებიან, რომ ეს მხოლოდ დასაწყისია, გამოსაკვლევია ნაქალაქარი, რომლის ტერიტორია დაახლოებითი 60 ჰექტარამდეა. უკვე დაბეჯითებით შეიძლება ითქვას, რომ ქალაქში იდგა კოშკურა სახლები, რომელთა სიმაღლე სამიდან ექვს სართულამდე სიმაღლისა უნდა ყოფილიყო, კონსტრუქციით იემენის კოშკების მსგავსი. შესაბამისად დასტურდება სხვადასხვა წყაროებში შემორჩენილი ცნობები, რომ ქალაქ– ნავსადგურის მოსახლეობა 16 ათასს სჭარბობდა.
საინტერესოა, რომ ნავკრატისი იყო ერთადერთი ეგვიპტური პორტი უცხოელებისათვის. მისი სახელი ბერძნულიდან ითარგმნება როგორც ,,ხომალდთა დიასახლისი". ვრცელდება ინფორმაცია, რომ ნაქალაქარში აღმოჩენილი არტეფაქტები ბრიტანეთის მუზეუმში უკვე მომავალი წლიდან გამოიფინება.