სააგენტო ,,ანადოლუს" ცნობით, რუსულმა მოიერიშეებმა დაბომბეს მეამბოხეთა მიერ კონტროლირებადი ტერიტორია და ქალაქ იდლიბის სკოლა სირიაში. სააგენტოს ამის შესახებ განუცხადა რეგიონის სამოქალაქო თავდაცვის ძალების წარმომადგენელმა ჯარჯანაზ მაჰმუდ დაგიმმა. მისი თქმით დაღუპულია 9 მშვიდობიანი მოქალაქე, მათ შორის 5 ბავშვი, მძიმედ არის დაშავებული კიდევ თერთმეტი ადამიანი.
მოსკოვში სამოქალაქო ობიექტების დაბომბვას უარყოფენ. ისინი აცხადებენ, რომ რუსი პილოტების სამიზნე მხოლოდ ტერორისტები არიან.
ისლამური სახელმწიფოს ლიდერი აბუ ბაქრ ალ–ბაღდადი რუსეთს ტერაქტებით ემუქრება. მის მიერ დღეს ფავრცელებულ მიმართავაში ნათქვამია, რომ ყოველი იერიშის შემდეგ დაჯგუფება სულ უფრო ძლიერდება და ყველა ქვეყანა, ვინც ისლამურ სახელმწიფოს ებრძვის მძიმე საფასურს გადაიხდის.