ყოფილი პრემიერ-მინისტრის ირაკლი ღარიბაშვილის გადადგომის შემდეგ თანამდებობის დასატოვებლად თბილისის მერი დავით ნარმანიაც ემზადება. ინფორმაციას ამის შესახებ "პირველი რადიო" ავრცელებს. როგორც საინფორმაციო სააგენტო წერს, გადაწყვეტილება ამის შესახებ რამდენიმე დღის წინ დახურულ კონსულტაციებზე იქნა მიღებული და დავით ნარმანია საკუთარი განცხადების საფუძველზე თანამდებობას დატოვებს. გავრცელებული ინფორმაციის თანახმად, ნარმანია აღნიშნულთან დაკავშირებით განცხადებას ახალ წლამდე გააკეთებს, ხოლო მერის მოვალეობის შემსრულებელი პირველი ვიცე მერი ლაშა აბაშიძე იქნება. ინფორმაციას არაოფიციალურად, პირად საუბრებში, „ქართული ოცნების“ წევრებიც ადასტურებენ.