გაერთიანებული ოპოზიციის მიერ დაანონსებულ აქციას „რესპუბლიკური პარტია“ სოლიდარობას უცხადებს, მაგრამ არ იზიარებს აქციის ფორმას და შედეგად, ხვალ აქციაზე მისვლას პარტიის წევრბი და მხარდამჭერები არ აპირებენ:
„ჩვენ ამ მოთხოვნებში ვართ მათთან სოლიდარული, ვეთანხმებით, ძირითადი თემა არის საარჩევნო გარემო, საარჩევნო პროცედურები, საარჩევნო სისტემა, რაც ძირეულად შესაცვლელია, ჩვენ მათ მხარს ვუჭერთ ამ ინიციატივებში და მხარს დავუჭერთ მომავალშიც. გაერთიანებული ოპოზიცია ხვდება თავის მხარდამჭერებს და რა თქმა უნდა, ჩვენც სოლიდარობას ვუცხადებთ ამ ადამიანებს, გაერთიანებულ ოპოზიციას, მათ შორის, მოთხოვნებს, რომელიც აქ გაჟღერდება. ჩვენ არ ვიქნებით წარმოდგენილი თავად აქციაზე,“ – განაცხადა ხათუნა სამნიძემ.