ანაკლიაში რამდენიმე საათია სტიქიას უშედეგოდ ებრძვიან. სამეგრელოში ძლიერი ქარია მძვინვარებს. ქარის სიმძლავრე დღის მეორე ნახევარში განსაკუთრებით გაძლიერდა.წაქცეულია ხეები, დაგლეჯილია ელექტროსადენები, შესაბამისად ქალაქში გათიშულია ელექტროენერგია. ძლიერი ქარის გამო დაზიანდა კოტეჯები და საგაზაფხულო ბუნგალო, ასევე ქარს მიაქვს პორტის მშენებლობისთვის განკუთვნილი ქვიშა. ძლიერმა ქარმა ხობში ხიდიც დააზიანა, რის გამოც გადაადგილება შეუძლებელია.ადგილზე ხილვადობა საგრძნობლად გაუარესდა და გაწმენდითი სამუშაოების ჩატარება ამ დრომდე ვერ ხერხდება.ანაკლიელები ამბობენ, რომ ასეთი ქარი მათ არ ახსოვთ
„არ მინახავს ასეთი ქარი. ჯერ პირველად არის დღეს. ხეები აგერ ჰომ ხედავთ რა ამბავია, დაგლეჯილია ყველაფერი. პორტიდან მოაქვს ახლა ეს ქვიშა,“ – აცხადებს ადგილობრივი მცხოვრები კახა სვანიძე.