უკრაინის საინფორმაციო სამსახურის ცნობით, საქართველოს ექსპრეზიდენტი და ოდესის გუბერნატორი მიხეილ სააკაშვილი დღეს დილით ვარშავაში ჩაფრინდა. მისი ვიზიტი პოლონეთში პრეზიდენტ ანჯეი დუდას მიწვევით მიმდინარეობს.
მიხეილ სააკაშვილი მონაწილეობას მიიღებს ექსპრეზიდენტ ლეხ კაჩინსკის ხსოვნისადმი მიძღვნილ კონფერენციაში.
,,კაჩინსკი არამხოლოდ დიდი პოლონელი იყო , მას საქართველოც თავის ეროვნულ გმირად თვლის, კაჩინსკიმ ისტორიული წვლილი შეიტანა უკრაინისა და პოლონეთის დაახლოებაშიც. ვარშავაში ჩასვლა ასევე არის კარგი შესაძლებლობა ჩემთვის გავეცნო პოლონეთის ახლანდელ ხელმძღვანელობას" განაცხადა მიხეილ სააკაშვილმა, რომელიც დღეს იუბილარიც არის.
ოდესის ოლქის გუბერნატორის მიხეილ სააკაშვილის პოლონეთში ვიზიტს სოციალურ ქსელში ეხმაურება უკრაინის გენერალური პროკურორის მოადგილე და ოდესის ოლქის პროკურორი დავით საყვარელიძე
"მიშას პოლონელები საპრეზიდენტო პროტოკოლით დახვდნენ. ეხლა იჯექით და თვალეთ საპონი და კოსტუმები", – წერს დავით საყვარელიძე