ევროპული კომისიის ოფიციალურ ვებ-გვერდზე მცირე ხნის წინ ვიზალიბერალიზაციასთან დაკავშირებით საქართველოს შესახებ ანგარიში დაიდო. დოკუმენტში დადებითად არის შეფასებული საქართველოს ძალისხმევა სავიზო ლიბერალიზაციის გეგმის ოთხივე ნაწილში გათვალისწინებული პროცედურების განხორციელებისათვის. კონკრეტულად, მასში ნათქვამია, რომ საქართველომ ვიზალიბერალიზაციის სამოქმედო გეგმით ნაკისრი ყველა ვალდებულება შეასრულა.
ეს არის ევროკომისიის ბოლო, რიგით მეოთხე ანგარიში საქართველოს მიერ ვიზალიბერალიზაციის სამოქმედო გეგმის შესრულებასთან დაკავშირებით.