საქართველოს შინაგან საქმეთა მინისტრი გიორგი გახარია, ლაშა ნაცვლიშვილთან დაკავშირებით გავრცელებულ ვიდეოკადრებს გამოეხმაურა.
ვიდეოკადრებში ჩანს, როგორ მართავს ლაშა ნაცვლიშვილი არაფხიზელ მდგომარეობაში ავტომობილს. გავრცელებული ინფორმაციით, ნაცვლიშვილი მიუხედავად მისი ამ მდგომარეობისა, პოლიციას არ დაემორჩილა , თუმცა საპატრულო პოლიციის ეკიპაჟს, რომელმაც ნაცვლიშვილი გააჩერა ზემდგომმა მისი გაშვება უბრძანა.
„საქმე აღიძრა გუშინ, ზუსტად ნახევარი საათის შემდგომ რაც ეს ეთერში გავიდა. ამ საქმესთან დაკავშირებით შემიძლია გითხრათ, რომ ყველა ვინც იყო დამნაშავე, თუ ვინმემ პატრულს შესაბამისი მითითება მისცა, რომ შეღავათი გაეწია ლაშა ნაცვლიშვილისთვის იქნება დასჯილი, თუ პატრულმა თავისი ინიციატივით ჩაიდინა ეს კანონდარღვევა და შეღავათი გაუწია ლაშა ნაცვლიშვილს, იქნება დასჯილი. თუ ვინმე მესამე პირმა ეს მასალა გამოიყენა იმისთვის, რომ მიეღო გარკვეული პოლიტიკური დივიდენდი არჩევნების კონტექსტიდან გამომდინარე, ისიც იქნება დასჯილი.“- განაცხადა გიორგი გახარიამ.