საქართველოს ეროვნულმა ბანკმა რეფინანსირების განაკვეთი კიდევ 0.5 პროცენტული პუნქტით გაზარდა. მონეტარული პოლიტიკის განაკვეთი დღეიდან 8.0%-ს შეადგენს. შედეგად, სესხის პროცენტი 8 ათას 500-ზე მეტ ადამიანს გაუძვირდება, რადგან მონეტარული პოლიტიკის განაკვეთის ზრდა იწვევს იმ სესხებზე პროცენტის ზრდას, რომელიც რეფინანსირების განაკვეთზეა მიბმული .
ეროვნული ბანკის ინფორმაციით, მონეტარული პოლიტიკის გამკაცრება ნაკარნახევია ინფლაციიის ზრდის შეჩერების აუცილებლობით.
თუ სხვა დამატებითი შოკები არ გამოიკვეთა, პოლიტიკის კიდევ უფრო გამკაცრება მომდევნო პერიოდში მოსალოდნელი არ არის.