ზვიად გამსახურდიას ვაჟმა გიორგი გამსახურდიამ, რომელიც პოლონეთში საქართველოს საკონსულოს პოლიციის ატაშედ მუშაობს, მონაწილეობა მიიღო უკრაინაში ჩატარებულ სპეცოპერაციაში ინტერპოლით ძებნილი მამუკა ხეცურიანის დასაკავებლად. – ნათქვამია უკრაინის ეროვნული პოლიციის ოფიციალურ ვებგვერდზე განთავსებულ ინფორმაციაში.
გიორგი გამსახურრდია ჩართული იყო პოლონეთისა და უკრაინის სამართალდამცავი ორგანოების წარმომადგნელთა ერთობლივჯგუფში, რომელიც სპეციალურად შეიქმნა ხეცურიანის დასაკავებლად.
ბრალდებულის დაკავება უკრაინაში მოხდა.სპეცოპერაცია მაქსიმალურად მოკლე ვადაში ჩატარადა
,,. მინდა მადლობა ვუთხრა ჩემს კოლეგებს მაღალპროფესიული ნამუშევრისთვის'' – განაცხადა გიორგი გამსახურდიამ მიმართვაში უცხოელი კოლეგებისადმი
თავუის მხრივ უკრაინის ეროვნული პოლიციის ხელმძღვანელობამ მადლობა გამოუცხადა ქართველ და პოლონელ სამართალდამცველებს წარმატებული სპეცოპერაციისათვის და სიმბოლური სამახსოვრო მედლები გადასცა მათ.
საქართველოს მოქალაქე, 39 წლის მამუკა ხეცურიანი პოლონეთში გაუპატიურებისა და მკვლელობისთვის იძებნებოდა, კერძოდ მას ბრალად ედება პოლონეთის ქალაქ ლოძში 28 წლის ქალის გაუპატიურება და მკვლელობა. ქალი 20 ოქტომბერს გაუჩინარდა. სამართალდამცველებმა მისი ცხედარი მომხდარი ფაქტიდან მეექვსე დღეს აღმოაჩინეს.
პოლონეთის პოლიციის მტკიცებით, ბრალდებულმა 20 ოქტომბერს დატოვა ქალაქი, ხოლო 21 ოქტომბერს უკრაინა-პოლონეთის საზღვარი გადაკვეთა. პოლონეთში არ გამორიცხავდნენ, რომ იგი შეიძლება საქართველოს ტერიტორიაზე ყოფილიყო.
ხეცურიანთან ერთად ახალგაზრდა ქალის მკვლელობის საქმეზე საქართველოს კიდევ ორი მოქალაქე და ბელარუსის ერთი მოქალაქე არიან დაკავებული. მათ დანაშაულის შეუტყობინებლობა ედებათ ბრალად.