,,იმის მაგივრად რომ ბოდიში მოეხადა იმ უტიფარი და თავხედი დაპირების გამო, რომელშიც ამ ქვეყანას, საზოგადოებას, ჩვენს შვილებს, შვილიშვილებს დააკარგვინა ექვსი წელიწადი, დაგვასვა თავზე კრიმინალური შეირაღებული ბანდები რომლებმაც გაძარცვეს ქვეყანა და ჩვენი ქვეყნის ბიუჯეტი ლარის დევალვაციის გამო შეამცირეს თითქმის 1.3.  ეს პიროვნება კიდევ ბედავდა გუშინ და გვეუბნებოდა, რომ თუ თქვენ გათიშავთ თავისუფალ მედიას "რუსთავი 2"-ს აღმოაჩენთ, რომ თქვენ ცხოვრობთ გასაოცარი დემოკრატიას და აყვავებული ეკონომიკის პირობებშიო,“- გაერთიანებული ოპოზიციის, "ძალა ერთობაშიას" საპრეზიდენტო კანდიდატი გრიგოლ ვაშაძე  ბიძინა ივანიშვილის ინტერვიუს ეხმაურება.

 

 ივანიშვილს საკუთარი ინტერვიუ ბოდიშით უნდა დაეწყო  – ამბობს გრიგოლ ვაშაძე – „შოკისმომგვრელი იყო, როგორ იცავდა კორუმპირებულ ჩინოვნიკებს, ვისი უძრავი ქონებაც გვაჩვენა "რუსთავი 2"-მა.''  

 

ივანიშვილმა დაადასტურა ყველა იმ ფარული ჩანაწერის ავთენტურობა, რომელიც ბოლო დროს გავრცელდა და ქვეყანაში არაფორმალურ მმართველობას ადასტურებს.„მან მიუძღვნა სწორედ ფარცხალაძის დაცვას შეგვატყობინა, რომ ადამიანი არაფერშია დამნაშავე და არავითარი გამოძიება არ არის საჭირო და ის, რომ ფარცხალაძე "ქართული ოცნების" უფრთო ანგელოზია“-ამბობს ვაშაძე.

 

ვაშაძის თქმით, გარდა ჩანაწერების ავთენტურობის დადასტურებისა, ივანისვილმა  ისიც დაადასტურა, რომ სალომე ზურაბიშვილის განცხადებებს ომის დაწყებასთან დაკავშირებით სრულად იზიარებს.   

„ბატონი ივანიშვილი სრულად უჭერს მხარს თავის საპრეზიდენტო კანდიდატის განცხადებას იმის თაობაზე, რომ ომი 2008 წელს დაიწყო საქართველომ და მან დაბომბა საკუთარი მოსახლეობა,“-ამბობს იგი.

 

მისი თქმით, საქართველო საკადრის პასუხს გასცემს ივანიშვილის მიერ მოქალაქეების დაცინვას.

 

„ეს მართლა აღარ არის საპრეზიდენტო არჩევნები, ეს არის ღირსების არჩევნები, ეს არჩევნები ნათლად აჩვენებს ჩვენ ვიმსახურებთ თუ არა ამ სახელმწიფოს და ქართველებს სახელმწიფო აღარ გვაქვს თუ ამ სახელმწიფოსაც ივანიშვილს და ფარცხალაძეს ვაჩუქებთ არაფერი დაგვრჩება,“-ამბობს ვაშაძე.