ზუგდიდის ART-გალერეაში კოლხური ყოფის ამსახველი ფოტომასალების გამოფენა მიმდინარეობს. ექსპოზიციაზე წარმოდგენილია ათეულობით ფოტო, რომელზედაც აღბეჭდილია ცაიშის, ერგეტის, ანაკლიის არქეოლოგიური გათხრების შედეგად მიკვლეული არტეფაგები და ზუგდიდის დადიანების სასახლეების ისტორიულ-არქიტექტურულ მუზეუმში დაცული ნივთიერი და სხვა მასალები.
გამოფენის ინიციატორი და ორგანიზატორია ქალაქ ზუგდიდის მუნიციპალიტეტის მერიის კულტურის, განათლების, სპორტის, ძეგლთა დაცვისა და ახალგაზრდულ საქმეთა სამსახური, აღნიშნული პროექტის მიზანი ეთნოგრაფიული მასალების ფართო საზოგადოებისთვის გაცნობა, ტურიზმის განვითარების ხელშეწყობა და ისტორიული ყოფის პოპულარიზაციაა.
ფოტოგამოფენა არტგალერეაში რამდენიმე დღეს გასტანს, რის შემდეგაც გადაინაცვლებს მერიის შენობაში, როგორც მუდმივმოქმედი ექსპოზიცია.