ჩინეთის მთავრობა ადასტურებს თავის მხარდაჭერას ანაკლიის ღრმაწყლოვანი პორტის მშენებლობაში ჩინური კომპანიების მონაწილეობისადმი. ეს განცხადებები პეკინში, საქართველო – ჩინეთის მთავრობათაშორისი კომისიის სხდომაზე გაკეთდა.
სხდომაზე რამდენიმე სხვა პრიორიტეტული მიმართულებაც განიხილეს. მათ შორის, ჩინეთში ქართული ღვინის ექსპორტის საკითხიც.
"დღეს ჩვენ 800 მილიონიან ბაზარზე გვაქვს პრეფერენციული სავაჭრო რეჟიმები, ხოლო ჩინეთთან ხელშეკრულების საბოლოო ხელმოწერის შემდეგ, ეს უკვე იქნება დაახლოებით, 2 მილიარდ 200 მილიონის მოსახლეობაზე ხელწვდომა. რაც ნიშნავს, რომ ქვეყანაში გაიზრდება პირდაპირი უცხოური ინვესტიციები, რაც ნიშნავს, რომ გვექნება ახალი დასაქმება," – განმარტა მინისტრმა.