ბიძინა ივანიშვილი რუსთავი ორს ემუქრება! 2 საათნახევრიანი ტელეინტერვიუს დროს სამაუწყებლო კომპანია "ქართული ოცნების" ლიდერის მხრიდან თავდასხმის ობიექტი 65-ჯერ გახდა. ყოფილმა პრემიერმა პირდაპირ ახსენა, რომ რუსთავი ორის გამორთვის შემთხვევაში "ქვეყანაში მეტი აღმშენებლობა მოხდება". ოლიგარქმა და "ქართული ოცნების" პარტიის თავმჯდომარემ ისიც ახსენა რომ სპეციალური PR ჯგუფი უკვე მუშაობს, რომ დამოუკიდებელი მედია საშუალების ეთერში გასული ინფორმაცია გაანეიტრალოს.
"დღეს რომ გამორთო "რუსთავი 2" ქვეყანაში აღმავლობის და აღმშენებლობის მეტს ვერაფერს ვერ ნახავთ. განსხვავებული აზრი არ არის ტელევიზიაში, დახურული აქვთ განსხვავებული აზრი. ამდენი სახლები გამოიტანეს, ამდენ ჩანაწერებს აკეთებენ, მაგრამ განსხვავებული აზრის საშუალება ამ ტელევიზიაში არ იქმნება. ჩვენ გვაქვს პიარ ჯგუფთან ერთად, რომელიც პარტიაში ჩამოვაყალიბეთ, მთელი პროგრამა რომ მაქსიმალურად მოვახერხებთ თუ თვითონაც გამოგვყვებიან, თუმცა დიდი ილუზია ამის არ გაგვაჩნია, რომ რუსთავი 2-ში განსხვავებული აზრი შევიდეს და არა ეს სიცრუე. თუ ამაზე არ წამოვლენ ჩვენ ამ მეთოდიკას საზოგადოებას ვაჩვენებთ. ჩემი მუქარა მხოლოდ იმაში შედგებოდა, რომ ჩვენ ინდიკატორებით საზოგადოებას ვაჩვენებთ როგორ ცრუობენ ესენი. თუ ამას ვერ მოახერხებენ, ასეთ შემთხვევაში მას სახელს შევარქმევთ,"-აცხადებს ივანიშვილი.
TV პირველის ჟურნალისტის, დიანა ტრაპაიძის რეპლიკაზე, რომ ივანიშვილის საუბრიდან გამომდინარე, მას შთაბეჭდილება დარჩა, რომ იქ "რუსთავი 2"-0ზე სასაუბროდ იმყოფებოდა და ქვეყანაში ეს ტელეკომპანიაა ერთადერთი პრობლემა, ივანიშვილმა უპასუხა:
"ერთ-ერთი პრობლემაა "რუსთავი 2" და არის პრობლემა."