ჟენევაში დღეს საერთაშორისო კონსულტაციების მორიგი რაუნდი დაიწყო და ორ დღეს გაგრძელდება. ქართულ დელეგაციას საგარეო საქმეთა მინისტრის მოადგილე დავით დონდუა ხელმძღვანელობს.
ქართული მხარე ამჯერადაც დააყენებს რუსეთის მხრიდან ძალის გამოუყენებლობის საკითხს.
ყურადღების გამახვილება იგეგმება მოსკოვსა და სოხუმს შორის რამდენიმე დღის წინ გაფორმებულ დოკუმენტეზე, რომლითაც გაერთიანებული საჯარისო ფორმირების შექმნა მოხდა.
საქართველოს საგარეო საქმეთა მინისტრის მოადგილე დავით დონდუა აღნიშნავს, რომ დოკუმენტის შინაარსი შესაძლოა დესტაბილიზაციის მიზეზი გახდეს. ამ დოკუმენტის მიხედვით, აღნიშნული საჯარისო ფორმირება შეიძლება გამოყენებული იყოს არა მარტო აფხაზეთის ტერიტორიაზე, არამედ აფხაზეთის გარეთაც. ეს არის პირდაპირი მუქარა და რეგიონში დესტაბილიზაციის აშკარა ფაქტორი".
შეხვედრებზე ქართული მხარე ასევე აპირებს ერთ-ერთი მთავარი აქცენტი გააკეთოს ქართული ენის აკრძალვაზე, გალის სკოლებში
გარდა აღნიშნულისა, მოლაპარაკებების მორიგი რაუნდის ფარგლებში ყურადღება გამახვილდება კონფლიქტის ზონებში ადგილობრივი მოსახლეობის ფუნდამენტური უფლებების, მათ შორის თავისუფალი გადაადგილების კუთხით არსებულ პრობლემებზე.