დღეს ეროვნული ბანკის პრეზიდენტმა გიორგი ქადაგიძემ ჟურნალისტებისათვის განაცხადა, რომ ეროვნულმა ბანკმა შესაძლოა მონეტარული პოლიტიკა გაამკაცროს
ქადაგიძე აღნიშნავს, რომ ინფლაციის მაჩვენებელმა 1 წელიწადში განსაზღვრულს გადააჭარბა და 6.3 პროცენტი შეადგინა, თუმცა ეს პროგნოზირებადი იყო.
"ამის შესახებ ჯერ კიდევ აგვისტოს მოხსენებებში აღვნიშნავდით. ჩვენი პროგნოზით, ინფლაცია პიკს მიაღწევს მომდევნო წლის პირველ კვარტალში და მომავალი წლის მეორე ნახევრიდან დაუბრუნდება სამიზნე მაჩვენებელს. იმ შემთხვევაში, თუ ჩვენ დავინახავთ მონეტარული პოლიტიკის გამკაცრების საჭიროებას, ჩვენ ამას აუცილებლად გავაკეთებთ", – განაცხადა ქადაგიძემ.
ქადაგიძის თქმით, მთავარი ეკონომიკური შოკი, რომელიც ქვეყანამ მიიღო, უკვე აისახა ლარის კურსზე და ამიტომ უახლოეს პერიოდში ლარის გაუფასურება მოსალოდნელი არ არის.