ჟინვალის მიმდებარე ტერიტორიაზე მეხუთე დღეა ასეულობით სატვირთო მანქანაა გაჩერებული, მიზეზი, თუ რატომ არ ატარებენ მათ ლარსის საბაჟო გამშვები პუნქტის მიმართულებით, მძღოლების განცხადებით, მათთვის დამაჯერებლად არ განმარტებულა. მძღოლებსა და გაჩერებული ტვირთების მეპატრონეებს განსაკუთრებით აღელვებთ ის, რომ მანქანები რუსეთში გასატანი მალფუჭებადი პროდუქტებით აქვთ დატვირთული და უკვე დიდი ზარალი აქვთ განცდილი.
საქართველოს საავტომობილო გზების დეპარტამენტის განცხადებით, მისამბმელიანი ავტომობილების გადაადგილება უსაფრთხოების გამოა შეზღუდული და მხოლოდ ცალმხრივად არის დაშვებული.
მათი ინფორმაციით, გზაზე გაჩერებული მძღოლები სავარაუდოდ ხვალ, საღამოსთვის შეძლებენ გადაადგილებას.