აშშ პრეზიდენტმა ბარაკ ობამამ რამდენიმე საათის წინ გავრცელებულ მიმართვაში კალიფორნიის შტატში მომხდარ თავდასხმას ტერორისტული აქტი უწოდა და მსგავსი შემთხვევების წინააღმდეგ ბრძოლის პირობა დადო.
მან ასევე ტერორისტული ორგანიზაციების წინააღმდეგ ბრძოლაზეც გაამახვილა ყურადღება. მისი თქმით, გაგრძელდება ისლამური სახლემწიფოს წინააღმდგე ავია იერიშები, სირიისა და ერაყის ტეროტორიაზე.
ბარაკ ობამამ ტერორისტული იდეოლოგიის ინტერნეტით გავრცელების პრობლემაზეც ისაუბრა. მან ამერიკელებს მოუწოდა, არ მოხდეს მუსლიმი საზოგადოების დისკრიმინაცია.
"ტერორისტები რთული ფორმის ძალადობის აქტებზე გადავიდნენ, როგორიცაა მასობრივი თავდასხმები და სროლები, რაც ასე ხშირია ჩვენ საზოგადოებაში. სწორედ ამის მომსწრე გავხდით ახლა, სან ბერნანდინოშიც. ტერორიზმის საფრთხე რეალურია, თუმცა ჩვენ მას მოვერევით. ჩვენ გავანადგურებთ ისლამურ სახელმწიფოს და ყველა იმ ორგანიზაციას, რომელიც ცდილობს ზიანი მოგვაყენოს. ჩვენი სამხედროები განაგრძობენ ტერორისტული დაჯგუფებების წინააღმდეგ ბრძოლას ნებისმიერ ქვეყანაში, სადაც საჭირო იქნება. ასევე, განვაგრძობთ ერაყისა და სირიის ტერიტორიაზე სამხედრო ძალების ტრეინინგს და აღჭურვას, რომლებიც ისლამური სახელმწიფოს წინააღმდეგ იბრძვიან," – აღნიშნა ბარაკ ობამამ.