ზუგდიდის საკრებულოსა და გამგეობის შენობის წინ მიმდინარე  დედა–შვილი ჯოჯუების აქციის 38–ე დღეს მათი პრობლემის შესაძლო გადაწყვეტის კონტურები გამოიკვეთა – როგორც საკრებულოს თავმჯდომარე მერაბ ქვარაია აცხადებს, მიღწეულია შეთანხმება აქციის შეწყვეტის შესახებ იმ პირობით, რომ მათი საცხოვრებელი ფართი რამდენიმე დღეში  მოწესრიგდება, მიმდინარეობს მოლაპარაკება ენერგოკომპანიის წარმომდგენლებთან   ოჯახისთვის ჩაჭრილი ელქტროენერგიის აღდგენის შესახებაც და, როგორც ჩანს, მოხუცი ქალბატონი, რომლის ბედი მთელი ამ ხნის მანძილზე ასე აღელვებდა საზოგადოებას ნორმალურ ყოფას დაუბრუნდება. აქციის სხვადასხვა ეტაპზე ციალა ჯოჯუამ არაერთგზის მიიღო შიმშილობის შეწყვეტის წინადადება გარკვეული პირობებით, თუმცა იგი უარს ამბობდა ამ შეთავაზებებზე ნაწილობრივ უნდობლობლობის, ნაწილობრივ შეთავაზების აბსტრაქტული ხასიათის გამო. კონკრეტული სახე ამ შეთავაზებამ მიიღო  ციალა ჯოჯუას საქმესთან დაკავშირებით ზუგდიდის მუნიციპალიტეტის საკრებულოში გამართული შეხვედრის შემდეგ ადგილობრივი ხელისუფლების, არასამთავრობო სექტორის, სოციალური მომსახურების სააგენტოს წარმომადგენლების, ციალა ჯოჯუას ადვოკატის და სამოქალაქო აქტივისტების მონაწილეობით.  შეთაავაზების არსი მდგომარეობს იმაში, რომ ციალა ჯოჯუას გაურემონტდება და მოგვიანებით დაუკანონდება ოროთახიანი ბინა თამარ მეფის ქუჩაზე მდებარე კორპუსში, რაც შეეხება ოჯახის მოთხოვნას დაისაჯონ ისინი, ვისაც ისინი თაღლითობაში დებენ ბრალს, საქმეს ოფიციალური მსვლელობა  მიეცემა, მხოლოდ მას შემდეგ, როცა სასამართლო ოფიციალურად მიიღებს მათ სარჩელს განსახილველად. დედა–შვილის   მტკიცებით, თაღლითური გზით წაართვა მოქალაქე ციცო მამარდაშვილმა და „ზუგდიდდასუფთავების“ შესყიდვების სამსახურის თანამშრომელმა ზურაბ ალანიამ. თავის მხრივ, ალანია აცხადებს, რომ წლების წინ როცა ის „კომუნალურ გაერთიანებაში“ საბინაო კომისიის წევრი იყო, სოციალურად დაუცველ ცირდავების ოჯახს ბინა რეალურად გადაეცა, რომელიც მოგვიანებით გაყიდეს