შიდსთან ბრძოლის საერთაშორისო დღესთან დაკავშირებით ზუგდიდის მუნიციპალიტეტის გამგეობის დარბაზში მრგვალი მაგიდა გაიმართა.შეხვედრის მონაწილეებმა იმსჯელეს დაავადების სტატისტიკის და მისი გავრცელების დინამიკის, ასევე ზიანის შემცირების პროგრამების როლზე. ახალგაზრდა ფსიქოლოგთა და ექიმთა ასოციაცია "ქსენონის" ხელმძღვანელის ნინო ჯანაშიას განცხადებით, ისინი შიდსთან ბრძოლის საერთაშორისო დღეს ორდღიანი კამპანიით უერთდებიან. ორგანიზაციის ნიციატივით, ორი დღის განმავლობაში ნებისმიერ მსურველს შესაძლებლობა ექნება სპეციალურად მოწყობილ მობილურ ამბულატორიაში უფასოდ ჩაიტაროს გამოკვლევა აივ ინფექციასა და C ჰეპატიტზე.შეხვედრის პარალელურად დისკუსიის ორგანიზატორმა ნინო ჯანაშიამ დამსწრეებს სტატისყიკური მონაცემების გააცნო, რომლის თანახმად, სამეგრელოს რეგიონი თბილისის შემდეგ მეორე ადგილზეა აივ ინფექციის გავრცელების მხრივ.1 დეკემბერი, შიდსთან ბრძოლის საერთაშორისო დღე ყოველწლიურად აღინიშნება და ის დაავადების მიმართ საზოგადოებაში ცნობიერების ამაღლებას ემსახურება.