ნატოს გენერალურმა მდივანმა, იენს სტოლტენბერგმა, ბრიუსელში მიმდინარე პრესკონფერენციაზე გააკეთა კომენტარი საქართველოსა და სხვა აპლიკანტ ქვეყნებზე და განაცხადა, რომ საქართველომ მნიშვნელოვან პროგრესს მიაღწია ნატოში გაწევრიანების გზაზე.
"დღეს დავამტკიცეთ, რომ ნატოს კარი ღიაა. ჩვენ განვაგრძობთ საქართველოსთან თანამშრომლობას. მე ვიტყოდი, რომ ჩვენი მხარდაჭერა საქართველოს ალიანსში გაწევრიანების მისწრაფებისადმი ძლიერია. საქართველოს აჩვენა დიდი პროგრესი, ეს მე თვითონ ვნახე, საქართველოში ჩემი ვიზიტისას. ალიანსი განაგრძობს საქართველოსთან თანამშრომლობას და მხარდაჭერას კომუნიკეშიც დააფიქსირებს“ – განაცხადა იენს სტოლტენბერგმა.
შეგახსენებთ, ორდღიანი შეხვედრა ალიანსის წევრი ქვეყნების საგარეო საქმეთა მინისტრების დონეზე იმართება.
მინისტერიალს ესწრება საქართველოს საგარეო საქმეთა მინისტრი, რომელსაც ორმხრივი შეხვედრებიც აქვს დაგეგმილი. ბრუსელში შეხვედრებს მართავს თავდაცვის მინისტრიც.