წუხელ ოზურგეთის რაიონის დაბა ნასაკირალში სპეცოპერაცია ჩატარდა. დაჯგუფება ისლამურ სახელმიწფოსთან შესაძლო კავშირის ბრალდებით დაკავებულია 23 წლის ჯამბულ აბდულაევი.
ვრცელდება ინფორმაცია, რომ სამართალდამცველებმა დაკავებულის სახლის ჩხრეკისას ამოიღეს ISIS-ის დროშა, ხელმყუმბარა და ავტომატური ცეცხლსასროლი იარაღი.
ჯამბულ აბდულაევის კავშირს ისლამურ სახელმიწფოსთან კატეგორიულად უარყოფენ მისი ოჯახის წევრები. ისინი ყვებიან სპეცოპერაციის დეტალებს:
"ლიმონკა, დროშა შენიაო, ამ რუქაზე აღნიშნულია ადგილებიო, ტერორისტებთან გაქვს კავშირიო და წაიყვანეს,"- აცხადებს დაკავებულის დედა მარინა ვანაძე.
"გვეძინა ჩვენ. კარები გატეხეს, ვითომ იარაღი ნახეს. ვლოცულობ მე რა ვქნა მეტი. სახლში იყო, არ გადასულა არც თურქეთში, არც არსად. ჩემებთან მუშაობდა ჩაიში." იხსენებს დაკავებულის მამა ზეინაუ აბდულაევი.