სირიაში რუსეთის სამხედრო ოპერაციის დაწყების შემდეგ, მარტო 30 სექტემბრიდან 15 ნოემბრამდე  დაფიქსირებულია ავიადარტყმების შედეგად დაღუპული 526 სამოქალაქო პირი, მათ შორის 137 ბავშვი და 71 ქალია. -ეს მონაცემები გამოქვეყნებულია სირიის დამოუკიდებელი არასამთავრობო ორგანიზაციის ,,დარღვევების დოკუმენტაციის ცენტრის'' ანგარიშში.

 დოკუმენტი ირწმუნება, რომ ყველა ეს ადამიანი ემსხვერპლა დაბომბვებს რუსეთის საიერისო თვითმფრინავებიდან, დაღუპულტა უმრავლესობის   ვინაობა დადგენილია, თუმცა ერთი ნაწილის ამოცნობა ვერ ხერხდება. დოკუმენტში ასევე აღნისნულია, რომ მონაცემები ეხება მხოლოდ დამხოლოდ რუსულ დაბომბვებს, ხოლო ბაშარ ასადის სამთავრობო ავიაციისა და  ალიანსის მიერ ამავე პერიოდში განხორციელებული იერიშების შედეგების ანალიზი ჯერ არ დასრულებულა.

,,ჩვენ ამ ანგარიშებს ვაქვეყნებთ იმ მიზნით, რომ საერთაშორისო საზოგადოებას, საერთაშორისო ორგანიზაციებსა და ჟურნალისტებს  მივაწოდოთ ფაქტები და გავახმაუროთ, რა ხდება სირიაში. გვინდა გვჯეროდეს, რომ ამ ანგარიშებს უსათუოდ მოჰყვება საყოველტაო დაინტერესება და ადექვატური რეაქცია, რაც დაიცავს სირიის სამოქალაქო მოსახლეობას, პირველ რიგში, რუსეთის ავიადარტყმებისაგან. – აცხადებს ცენტრის სპიკერი ბასამ ალ აჰმადი. 

.